درندگی منہ زور ۔۔۔۔۔جوانوں کو لاشوں میں بدلنے لگی۔۔ خون آشام بھیڑیوں نے انت مچا رکھا ہے
تحریر عمران مہدی
احمدپور سیال اور اٹھارہ ہزاری میں میٹرک کے دو نوجوانوں کے قتل سے دل دہل گئے۔دن دیہاڑے برچھوں خنجروں کے پے درپے وار سے سب کے سامنے سفاک قاتلوں نے علیحدہ علیحدہ جگہوں پہ دو نوجوان کی جان لے لی۔
درندگی کی انتہا ہو گئی۔ ظلم وبربریت کی دردناک داستان رقم ہوئی کہ خوف وہراس پھیل گیا۔ در و دیوار لرز اٹھے۔ انسانیت شب خون مارا گیا۔
کیا انسانی جان اتنی ارزاں ہوئی کہ سر بازار ٹکڑے ٹکڑے کر دیے جائیں۔ خون بہہ نکلے۔۔ایڑیاں رگڑ رگڑ کے جان دے دی جائے۔
عدم برداشت ۔۔ جذباتیت ۔۔ بہکاوا ۔۔پل بھر میں اکھڑ جانا ۔۔ بات بات لڑائی ۔۔۔۔ جھوٹی انا۔۔۔مار دھاڑ۔۔۔عشق کا کریز۔۔۔بے را روی ۔۔سب معاشرے کو تباہی کی جانب لے کے جا رہے ہیں
ماہر نفسیات۔۔۔مدبر مفکر۔۔۔زیرک۔۔۔انٹلکچول۔۔سمجھدار۔۔کیا آپ لوگوں کی بروقت بریننگ یا بریننگ نہ ہونے کی وجہ سے حادثے جنم دے رہے ہیں۔
اک سکول آف بریننگ ہونا چاہیے جہان لوگوں کے رویوں پہ اصلاح ہونی چاہیے۔۔ہر زمہ دار شہری کا حق ہے کہ آس پاس اپنا اخلاق و مروت حسن سلوک پیار ومحبت کا درس دیتا رہے۔۔ تاکہ ناگہانی واقع ناں ہوں۔
عالم فاضل پروفیسر استاد مقرر ذاکر مولوی خدارا انسانیت اور حقوق العباد کا درس دیجیے۔آپ نے کہیں نہ کہیں کمی چھوڑی ہے۔کہ فرعوننیت بربریت منہ زور ہو رہی ہے۔
ڈی پی او صاحب سے گزارش ہے کہ ایسے قاتلوں کےلیے کڑی سزا ہونی چاہیے۔۔ مقتولین کو جلد سے جلد انصاف دیا جائے ۔
عمران مہدی۔۔۔۔۔۔۔۔۔۔۔۔۔۔سماجیات۔۔۔۔۔۔۔۔۔۔محمودکوٹ
