ایس ایچ او سی سی ڈی ٹوبہ ٹیک سنگھ فریاد چیمہ کو مثالی کارکردگی پر سی سی ون ایوارڈ، ایڈیشنل آئی جی سی سی ڈی سہیل ظفر چھٹہ نے اعزاز سے نواز دیا
*ٹوبہ ٹیک سنگھ (محمد زاہد مجید انور سے) کرائم کنٹرول ڈیپارٹمنٹ (سی سی ڈی) ٹوبہ ٹیک سنگھ کے ایس ایچ او فریاد چیمہ کو جرائم کے خلاف نمایاں خدمات، پیشہ ورانہ مہارت، غیرمعمولی کارکردگی، جرات، دیانتداری اور فرض شناسی کے اعتراف میں ایڈیشنل آئی جی سی سی ڈی سہیل ظفر چھٹہ نے محکمہ پولیس کے اہم اعزاز سی سی ون (CC-1) ایوارڈ سے نواز دیا۔ اس اعزاز کے حصول پر محکمہ پولیس، سول سوسائٹی، وکلاء، تاجروں اور مختلف شعبہ ہائے زندگی سے تعلق رکھنے والی شخصیات نے انہیں دلی مبارکباد پیش کرتے ہوئے اس کامیابی کو ٹوبہ ٹیک سنگھ کے لیے باعثِ فخر قرار دیا۔تفصیلات کے مطابق فریاد چیمہ نے بطور ایس ایچ او سی سی ڈی ٹوبہ ٹیک سنگھ اپنی پیشہ ورانہ ذمہ داریاں نہایت خلوص، ایمانداری، جرات اور اعلیٰ صلاحیتوں کے ساتھ انجام دیں۔ انہوں نے جرائم پیشہ عناصر کے خلاف بھرپور کارروائیاں کرتے ہوئے متعدد سنگین مقدمات کو کامیابی سے ٹریس کیا، اشتہاری اور خطرناک ملزمان کو قانون کے کٹہرے میں لایا، منظم جرائم کے نیٹ ورکس کے خلاف مؤثر کریک ڈاؤن کیا اور شہریوں کے جان و مال کے تحفظ کو یقینی بنانے کے لیے شب و روز محنت کی۔ ان کی قیادت میں سی سی ڈی کی ٹیم نے جرائم کی روک تھام، جدید تفتیش اور مؤثر حکمت عملی کے ذریعے نمایاں کامیابیاں حاصل کیں، جنہیں محکمہ کے اعلیٰ حکام نے سراہا۔اعزاز دینے کی تقریب سے خطاب کرتے ہوئے ایڈیشنل آئی جی سی سی ڈی سہیل ظفر چھٹہ نے کہا کہ محکمہ پولیس میں بہترین کارکردگی دکھانے والے افسران کی حوصلہ افزائی ادارے کی مضبوط روایت ہے۔ انہوں نے کہا کہ فریاد چیمہ نے اپنی انتھک محنت، پیشہ ورانہ مہارت، جرات مندی اور فرض شناسی سے ثابت کیا ہے کہ وہ ایک قابل، ذمہ دار اور فرض شناس پولیس افسر ہیں۔ انہوں نے کہا کہ ایسے افسران محکمہ کا سرمایہ ہوتے ہیں، جن کی خدمات سے نہ صرف عوام کا اعتماد بحال ہوتا ہے بلکہ قانون کی بالادستی اور امن و امان کے قیام میں بھی نمایاں مدد ملتی ہے۔انہوں نے مزید کہا کہ سی سی ون ایوارڈ صرف ایک اعزاز نہیں بلکہ اس عزم اور لگن کا اعتراف ہے جس کے ساتھ پولیس افسران عوام کی جان و مال کے تحفظ اور جرائم کے خاتمے کے لیے دن رات خدمات انجام دیتے ہیں۔ انہوں نے امید ظاہر کی کہ فریاد چیمہ آئندہ بھی اسی جذبے، ایمانداری اور پیشہ ورانہ مہارت کے ساتھ فرائض سرانجام دیتے ہوئے محکمہ پولیس کا نام روشن کرتے رہیں گے۔سی سی ون ایوارڈ وصول کرنے کے بعد فریاد چیمہ نے اللہ تعالیٰ کا شکر ادا کرتے ہوئے کہا کہ یہ اعزاز ان کے لیے باعثِ افتخار ہونے کے ساتھ ساتھ ایک بڑی ذمہ داری بھی ہے۔ انہوں نے کہا کہ یہ کامیابی انفرادی نہیں بلکہ ان کے سینئر افسران کی رہنمائی، پوری سی سی ڈی ٹیم کی شبانہ روز محنت اور عوام کے تعاون کا نتیجہ ہے۔ انہوں نے اس عزم کا اعادہ کیا کہ جرائم پیشہ عناصر کے خلاف بلاامتیاز کارروائیاں جاری رکھی جائیں گی اور شہریوں کو محفوظ ماحول فراہم کرنے کے لیے تمام دستیاب وسائل بروئے کار لائے جائیں گے۔اعزاز کی خبر سامنے آنے پر ضلع بھر کی سماجی، سیاسی، کاروباری، مذہبی اور عوامی شخصیات نے فریاد چیمہ کو مبارکباد دیتے ہوئے کہا کہ محنت، دیانتداری اور فرض شناسی ہمیشہ اپنی پہچان خود بناتی ہے۔ انہوں نے کہا کہ ایسے فرض شناس افسران کی حوصلہ افزائی سے محکمہ پولیس کے دیگر افسران اور اہلکاروں میں بھی بہترین کارکردگی کا جذبہ پیدا ہوتا ہے، جس کا براہِ راست فائدہ عوام کو پہنچتا ہے۔شہری حلقوں نے امید ظاہر کی کہ ایس ایچ او فریاد چیمہ اپنی قائدانہ صلاحیتوں، عوام دوست رویے اور پیشہ ورانہ مہارت کے ذریعے آئندہ بھی جرائم کے خاتمے، امن و امان کے قیام اور قانون کی بالادستی کے لیے اسی عزم کے ساتھ خدمات انجام دیتے رہیں گے اور ٹوبہ ٹیک سنگھ میں امن و سکون کے فروغ میں اپنا مؤثر کردار ادا کرتے رہیں گے۔*
