ستھرا پنجاب صاف ماحول، مضبوط نظام
تحریر محمد زاہد مجید انور
*ٹوبہ ٹیک سنگھ کے ڈپٹی کمشنر محترم جناب عمر عباس میلہ نے حال ہی میں “ستھرا پنجاب مانیٹرنگ اینڈ کنٹرول روم” کا دورہ کیا۔ ان کا یہ قدم نہ صرف صفائی کے نظام کی بہتری کی جانب ایک عملی پیش رفت ہے بلکہ یہ ضلعی انتظامیہ کے اس عزم کا اظہار بھی ہے کہ عوام کو صاف، شفاف اور صحت مند ماحول فراہم کیا جائے۔کنٹرول روم میں ڈپٹی کمشنر کو جدید مانیٹرنگ سسٹمز، GPS ٹریکنگ، اور شہری شکایات کے ازالے کے نظام کے بارے میں بریفنگ دی گئی۔ یہ وہ نظام ہے جو نہ صرف صفائی کے عمل کو مؤثر بناتا ہے بلکہ شفافیت کو بھی یقینی بناتا ہے۔ عملہ اپنی کارکردگی کی بنیاد پر براہِ راست مانیٹر کیا جاتا ہے، جس سے کام میں سنجیدگی اور ذمہ داری کا عنصر بڑھ رہا ہے۔عمر عباس میلہ نے اس موقع پر عملے کی کارکردگی کو سراہا اور واضح کیا کہ صاف ستھرا اور پائیدار ماحول کی فراہمی ضلعی انتظامیہ کی اولین ترجیح ہے۔ انہوں نے کہا کہ شہریوں کی شکایات کے فوری ازالے سے عوامی اعتماد میں اضافہ ہوگا، اور نظام میں بہتری کی راہ ہموار ہوگی۔ ان کی ہدایت پر صفائی کے نظام کو مزید مضبوط اور تیز بنانے کے لیے نئے اقدامات کی منصوبہ بندی کی جا رہی ہے تاکہ ہر شہری کو معیاری بلدیاتی خدمات میسر آ سکیں۔یہ امر خوش آئند ہے کہ ضلعی انتظامیہ اب صفائی کے معاملات کو محض روایتی انداز سے نہیں بلکہ ڈیجیٹل مانیٹرنگ اور ٹیکنالوجی کی مدد سے دیکھ رہی ہے۔ ایسے اقدامات ہی “ستھرا پنجاب” کے خواب کو عملی شکل دے سکتے ہیں۔ اگر اسی جذبے اور تسلسل کے ساتھ کام جاری رہا تو ٹوبہ ٹیک سنگھ نہ صرف پنجاب بلکہ پورے ملک کے لیے صفائی و نظم و ضبط کی ایک مثال بن سکتا ہے۔صاف ستھرا ماحول صرف انتظامیہ کی ذمہ داری نہیں بلکہ ہر شہری کا فرض ہے۔ اگر عوام اپنے حصے کا کردار ادا کریں، کوڑا کرکٹ مقررہ مقامات پر ڈالیں، اور شکایات کے بروقت اندراج کے ذریعے نظام کو مضبوط بنائیں تو یقیناً یہ مہم کامیابی کی نئی منزلیں طے کرے گی۔ڈپٹی کمشنر عمر عباس میلا جیسے فعال، وژنری اور عوام دوست افسران کی بدولت امید کی جا سکتی ہے کہ “ستھرا پنجاب” محض ایک نعرہ نہیں بلکہ ایک حقیقت بن کر اُبھرے گا۔*
