تعارف صحافی فیصل بلال
تحریر ۔ رائے ایاز اکبر شورکوٹ
شور کوٹ کی صحافت میں سچ، خدمت اور انسانیت کا روشن نام تحصیل شور کوٹ کی سرزمین میں اگر کسی نام نے صحافت کو محض پیشہ نہیں بلکہ خدمتِ خلق کا ذریعہ بنایا ہے تو وہ نام فیصل بلال صاحب کا ہے وہ انٹرنیشنل پاکستان جرنلسٹ ایسوسی ایشن (رجسٹرڈ) میں تحصیل شور کوٹ کے جنرل سیکرٹری کے منصب پر فائز ہیں، اس کے ساتھ ساتھ وہ روزنامہ پرائمیکس اور روزنامہ ریپڈ لاہور کے بااعتماد نمائندے بھی ہیں یہ تمام ذمہ داریاں وہ نہایت دیانت، جرأت اور اخلاص کے ساتھ نبھا رہے ہیں فیصل بلال صاحب صرف خبر لکھنے والے صحافی نہیں بلکہ دکھتے دلوں کی آواز ہیں وہ ہر اس شخص کے ساتھ کھڑے نظر آتے ہیں جس کے ساتھ ناانصافی ہو، جس کی بات سننے والا کوئی نہ ہو تحصیل شور کوٹ کے گلی کوچوں سے لے کر سرکاری دفاتر تک، مظلوم کی فریاد ہو یا کسی غریب کی مجبوری فیصل بلال صاحب وہاں موجود ہوتے ہیں، بغیر کسی لالچ اور بغیر کسی تعصب کےان کی سب سے بڑی پہچان ان کی انسان دوستی ہے وہ صحافت کو طاقت نہیں بلکہ ذمہ داری سمجھتے ہیں اسی لیے عوام میں یہ بات زبان زدِ عام ہے کہ
“غریبوں کی آواز کا دوسرا نام فیصل بلال ہے۔”وہ دن ہو یا رات، مسئلہ چھوٹا ہو یا بڑا وہ ہر وقت دستیاب ہوتے ہیں اور پوری کوشش کرتے ہیں کہ حق دار کو اس کا حق ملےصحافتی میدان میں فیصل بلال صاحب کی تحریر سچائی، جرات اور توازن کی عکاس ہوتی ہے وہ نہ کسی دباؤ میں آتے ہیں اور نہ ہی ذاتی مفادات کو خبر پر حاوی ہونے دیتے ہیں یہی وجہ ہے کہ عوام کے ساتھ ساتھ صحافتی حلقوں میں بھی ان کا شمار ایک باوقار، معتبر اور ذمہ دار صحافی کے طور پر کیا جاتا ہےبطور جنرل سیکرٹری، انٹرنیشنل پاکستان جرنلسٹ ایسوسی ایشن (ر) تحصیل شور کوٹ، انہوں نے صحافیوں کے حقوق کے لیے بھی نمایاں کردار ادا کیا ہے نوجوان صحافیوں کی رہنمائی، ساتھیوں کے مسائل کا حل اور صحافتی اتحاد یہ سب ان کی ترجیحات میں شامل ہیں وہ چاہتے ہیں کہ صحافت مضبوط ہو، باوقار ہو اور عوامی خدمت کا حقیقی ذریعہ بنےفیصل بلال صاحب کی شخصیت میں عاجزی، اخلاق، خلوص اور خدمت کا جذبہ نمایاں ہے وہ کم گو مگر بامعنی گفتگو کرنے والے، نرم لہجے مگر مضبوط موقف رکھنے والے انسان ہیں ان کی جدوجہد اس بات کا ثبوت ہے کہ اگر نیت صاف ہو تو ایک صحافی بھی معاشرے میں مثبت تبدیلی لا سکتا ہےاللہ تعالیٰ سے دعا ہے کہ وہ فیصل بلال صاحب کو صحت، عزت اور مزید توفیق عطا فرمائے تاکہ وہ اسی جذبے کے ساتھ حق و سچ کی شمع روشن کرتے رہیں اور غریب و مظلوم طبقے کی آواز بنتے رہیں آمین ثمہ آمین
