محترمہ نیلم جبار چوہدری خواتین کی قیادت، عوامی خدمت اور سیاسی استقامت کی روشن مثال
تحریر : محمد زاہد مجید انور
پاکستان کی سیاسی تاریخ میں ایسی خواتین رہنما کم ہی نظر آتی ہیں جنہوں نے مسلسل جدوجہد، عوامی خدمت اور خواتین کے حقوق کے تحفظ کو اپنی سیاسی زندگی کا محور بنایا ہو۔ محترمہ نیلم جبار چوہدری انہی باصلاحیت اور باوقار خواتین سیاستدانوں میں شامل ہیں جنہوں نے پنجاب کی سیاست میں اپنی الگ شناخت قائم کی اور عوامی خدمت کے میدان میں نمایاں کردار ادا کیا۔محترمہ نیلم جبار چوہدری کا تعلق ضلع ٹوبہ ٹیک سنگھ کی معروف سیاسی و سماجی شخصیت چوہدری جبار علی سے ہے۔ آپ نے اعلیٰ تعلیم حاصل کرتے ہوئے ایم اے او کالج لاہور سے انگلش میں ماسٹرز کی ڈگری حاصل کی۔ تعلیم مکمل کرنے کے بعد آپ نے عملی سیاست میں قدم رکھا اور عوامی خدمت، خواتین کی فلاح و بہبود اور سماجی ترقی کو اپنی سیاسی جدوجہد کا بنیادی مقصد بنایا۔آپ نے 2002ء کے عام انتخابات میں حلقہ پی پی 86 ٹوبہ ٹیک سنگھ سے پنجاب اسمبلی کی نشست پر انتخاب لڑا۔ اگرچہ اس انتخاب میں کامیابی حاصل نہ ہو سکی، تاہم تقریباً 19 ہزار ووٹ حاصل کرکے آپ نے اپنی عوامی مقبولیت اور سیاسی اثر و رسوخ کا بھرپور اظہار کیا۔ اس کے بعد 2005ء میں ضلع ناظم ٹوبہ ٹیک سنگھ کے انتخاب میں بھی حصہ لیا جہاں انتہائی سخت مقابلے کے بعد محض 90 ووٹوں کے معمولی فرق سے کامیابی آپ کے ہاتھ سے نکل گئی، لیکن آپ نے ہمت اور حوصلے کے ساتھ اپنی سیاسی جدوجہد جاری رکھی۔2008ء کے عام انتخابات محترمہ نیلم جبار چوہدری کی سیاسی زندگی کا اہم سنگِ میل ثابت ہوئے جب وہ پاکستان پیپلز پارٹی کے پلیٹ فارم سے پنجاب اسمبلی کی رکن منتخب ہوئیں۔ عوام کے اعتماد اور سیاسی بصیرت کے اعتراف کے طور پر انہیں صوبائی وزیر برائے آبادی بہبود پنجاب مقرر کیا گیا۔ آپ نے 9 جون 2008ء سے یکم مارچ 2011ء تک اس اہم وزارت کی ذمہ داریاں نہایت احسن انداز میں انجام دیں۔اپنے دورِ وزارت کے دوران محترمہ نیلم جبار چوہدری نے ماں اور بچے کی صحت، خاندانی بہبود، آبادی میں توازن، خواتین کی آگاہی، کمیونٹی ہیلتھ پروگرامز اور معاشرتی فلاح کے شعبوں میں متعدد اقدامات کیے۔ ان کی کوششوں سے آبادی بہبود کے پروگراموں کو نئی سمت ملی اور خواتین کی صحت و تحفظ کے حوالے سے شعور اجاگر کرنے میں اہم پیش رفت ہوئی۔ آپ نے دیہی علاقوں میں بھی صحت اور فلاحی سہولیات کی فراہمی پر خصوصی توجہ دی جسے عوامی حلقوں میں سراہا گیا۔2024ء کے عام انتخابات میں محترمہ نیلم جبار چوہدری ایک مرتبہ پھر پنجاب اسمبلی کی رکن منتخب ہوئیں اور خواتین کی مخصوص نشست پر ایوان میں پہنچ کر اپنی سیاسی خدمات کا تسلسل برقرار رکھا۔ اسمبلی کے اندر وہ خواتین کے حقوق، گھریلو تشدد کے خاتمے، ہراسگی کے خلاف مؤثر قانون سازی، بچوں کے تحفظ اور سماجی انصاف جیسے اہم مسائل پر بھرپور آواز بلند کرتی رہی ہیں۔محترمہ نیلم جبار چوہدری کی شخصیت سیاسی بصیرت، عوامی خدمت، خواتین کی نمائندگی اور سماجی شعور کا حسین امتزاج ہے۔ انہوں نے ثابت کیا کہ خواتین اگر عزم، قابلیت اور خلوص کے ساتھ میدانِ سیاست میں قدم رکھیں تو نہ صرف اپنی صلاحیتوں کا لوہا منوا سکتی ہیں بلکہ معاشرے کی مثبت تبدیلی میں بھی اہم کردار ادا کر سکتی ہیں۔آج محترمہ نیلم جبار چوہدری پنجاب کی ان بااثر خواتین سیاستدانوں میں شمار ہوتی ہیں جو خواتین کی بااختیار نمائندگی، سماجی ترقی، عوامی خدمت اور جمہوری اقدار کے فروغ کے لیے مسلسل سرگرم عمل ہیں۔ ان کی سیاسی جدوجہد، استقامت اور عوامی خدمات نئی نسل خصوصاً خواتین کے لیے مشعلِ راہ کی حیثیت رکھتی ہیں۔ ان کا سفر اس حقیقت کا مظہر ہے کہ خدمت، محنت اور عوامی وابستگی ہی کامیاب قیادت کی اصل پہچان ہوتی ہے۔
*شورکوٹ کے عوام کیلئے اہم اطلاع، ہر قسم کے اخبارات کی فراہمی کیلئے حاجی محمد یاسین نیوز ایجنسی سے رابطہ کرنے کی ہدایت*
*اہم عوامی اطلاع*
*شورکوٹ اور گردونواح کے عوام کو مطلع کیا جاتا ہے کہ اگر کسی فرد، ادارے، دکاندار، تعلیمی ادارے یا دفتر کو کسی بھی قومی، علاقائی یا مقامی اخبار کی باقاعدہ فراہمی درکار ہو تو وہ معروف حاجی محمد یاسین نیوز ایجنسی، ٹوبہ ٹیک سنگھ سے رابطہ کر سکتے ہیں۔نیوز ایجنسی کی جانب سے مختلف قومی و علاقائی اخبارات کی بروقت فراہمی کا انتظام موجود ہے۔ عوام الناس اپنی ضرورت کے مطابق روزانہ، ہفتہ وار یا خصوصی اشاعتوں کے حصول کے لیے رابطہ کر سکتے ہیں۔حاجی محمد یاسین نیوز ایجنسی طویل عرصے سے صحافتی اور اخباری خدمات کے شعبے میں اپنی منفرد شناخت رکھتی ہے اور قارئین کو بروقت اور معیاری اخبارات کی فراہمی یقینی بنا رہی ہے۔رابطہ نمبر: 0315-6565459مزید معلومات اور اخبارات کی فراہمی کے لیے مذکورہ نمبر پر رابطہ کیا جا سکتا ہے۔*
