عوام کو ریلیف کی فراہمی حکومت پنجاب کی اولین ترجیح ٹوبہ ٹیک سنگھ میں آٹا اور گندم کے وافر ذخائر، فراہمی کا نظام مستحکم ہے: ڈسٹرکٹ فوڈ کنٹرولر حافظ محمد امجد منیر
تحریر : محمد زاہد مجید انور
ٹوبہ ٹیک سنگھ میں عوام کو بنیادی غذائی ضروریات کی بروقت فراہمی یقینی بنانا ضلعی انتظامیہ اور محکمہ خوراک کی اولین ذمہ داری ہے۔ موجودہ حالات میں جب مہنگائی اور اشیائے خورونوش کی دستیابی عوام کے لیے اہم مسئلہ بن چکی ہے، ایسے میں حکومت پنجاب کی جانب سے آٹے کی بلا تعطل فراہمی کو یقینی بنانے کے لیے کیے جانے والے اقدامات عوامی ریلیف کی جانب ایک اہم قدم تصور کیے جا رہے ہیں۔ڈسٹرکٹ فوڈ کنٹرولر ٹوبہ ٹیک سنگھ حافظ محمد امجد منیر نے اپنے دفتر میں ڈسٹرکٹ انجمن صحافیاں کے ضلعی صدر اور معروف کالم نگار محمد زاہد مجید انور سے خصوصی گفتگو کرتے ہوئے واضح کیا کہ وزیر اعلیٰ پنجاب مریم نواز شریف کے ویژن کے مطابق ضلع بھر میں آٹے کی مسلسل فراہمی کے لیے مؤثر حکمت عملی پر عمل درآمد جاری ہے۔ ان کے مطابق ضلع میں نہ صرف آٹا وافر مقدار میں موجود ہے بلکہ گندم کے ذخائر بھی تسلی بخش ہیں، اس لیے عوام کو کسی قسم کی قلت یا بحران کا سامنا نہیں کرنا پڑے گا۔انہوں نے کہا کہ محکمہ خوراک روزانہ کی بنیاد پر فلور ملز، گوداموں اور سپلائی کے نظام کی نگرانی کر رہا ہے تاکہ آٹے کی ترسیل میں کسی قسم کی رکاوٹ پیدا نہ ہو۔ ذخیرہ اندوزی، ناجائز منافع خوری اور مصنوعی قلت پیدا کرنے والوں کے خلاف سخت کارروائی کی جا رہی ہے تاکہ مارکیٹ میں استحکام برقرار رہے اور عوام کو مقررہ نرخوں پر آٹا دستیاب ہو۔حافظ محمد امجد منیر نے اس بات پر زور دیا کہ عوام افواہوں پر توجہ دینے کے بجائے سرکاری اور مستند معلومات پر اعتماد کریں۔ انہوں نے کہا کہ حکومت پنجاب عوامی ریلیف کے ایجنڈے پر عمل پیرا ہے اور محکمہ خوراک اس مقصد کے حصول کے لیے اپنی تمام تر صلاحیتیں بروئے کار لا رہا ہے۔انہوں نے مزید کہا کہ ضلعی انتظامیہ، فلور ملز اور محکمہ خوراک کے درمیان مؤثر رابطے کی بدولت آٹے کی سپلائی کا نظام مستحکم ہے۔ مستقبل کی ضروریات کو مدنظر رکھتے ہوئے بھی مناسب ذخائر موجود ہیں، جس سے واضح ہوتا ہے کہ ضلع میں غذائی تحفظ کے حوالے سے صورت حال اطمینان بخش ہے۔ماہرین کے مطابق خوراک کی بروقت فراہمی اور مارکیٹ کی مسلسل نگرانی نہ صرف قیمتوں میں استحکام پیدا کرتی ہے بلکہ عوام کا اعتماد بھی بحال رکھتی ہے۔ یہی وجہ ہے کہ حکومت پنجاب کی ہدایات پر محکمہ خوراک عوامی سہولت کو مقدم رکھتے ہوئے اپنی ذمہ داریاں بھرپور انداز میں انجام دے رہا ہے۔ڈسٹرکٹ فوڈ کنٹرولر حافظ محمد امجد منیر نے اس عزم کا اظہار کیا کہ عوام کو معیاری آٹے کی مسلسل فراہمی ہر صورت یقینی بنائی جائے گی اور کسی بھی شکایت کی صورت میں فوری کارروائی عمل میں لائی جائے گی۔ انہوں نے کہا کہ محکمہ خوراک کا نصب العین عوام کو ریلیف فراہم کرنا اور غذائی تحفظ کو یقینی بنانا ہے، جس کے لیے تمام وسائل بروئے کار لائے جا رہے ہیں۔ضلع ٹوبہ ٹیک سنگھ میں آٹے اور گندم کی تسلی بخش دستیابی اس بات کا ثبوت ہے کہ مؤثر منصوبہ بندی، مسلسل نگرانی اور حکومتی عزم کے ذریعے عوامی ضروریات کو بہتر انداز میں پورا کیا جا سکتا ہے۔ اگر یہی رفتار برقرار رہی تو نہ صرف عوام کو ریلیف ملے گا بلکہ مارکیٹ میں استحکام اور اعتماد بھی مزید مضبوط ہوگا۔
