عبدالواحد صدیقی ٹرانسپورٹر برادری کا معتبر نام، جلد صحت یابی کے لیے دعاؤں کی اپیل
تحریر : محمد زاہد مجید انور
ٹوبہ ٹیک سنگھ کی سماجی، سیاسی اور کاروباری زندگی میں بعض شخصیات ایسی ہوتی ہیں جو اپنی خدمات، کردار اور عوامی روابط کی بدولت لوگوں کے دلوں میں خاص مقام بنا لیتی ہیں۔ ایسی ہی ایک ہر دلعزیز شخصیت عبدالواحد صدیقی ہیں، جو بطور صدر اتفاق یونین گڈز ٹرانسپورٹ نہ صرف ٹرانسپورٹر برادری کی مؤثر نمائندگی کر رہے ہیں بلکہ شہر کی سماجی، فلاحی اور کاروباری سرگرمیوں میں بھی نمایاں کردار ادا کرتے رہے ہیں۔ان دنوں عبدالواحد صدیقی علالت کے باعث زیرِ علاج ہیں۔ ان کی بیماری کی خبر سنتے ہی شہر بھر میں ان کے چاہنے والوں، دوست احباب، ٹرانسپورٹر برادری، تاجروں، سیاسی و سماجی شخصیات اور مختلف شعبہ ہائے زندگی سے تعلق رکھنے والے افراد میں تشویش کی لہر دوڑ گئی۔ ہر شخص ان کی جلد صحت یابی کے لیے دعاگو ہے اور نیک تمناؤں کا اظہار کر رہا ہے۔عبدالواحد صدیقی کا شمار ان شخصیات میں ہوتا ہے جنہوں نے اپنی محنت، دیانتداری، خوش اخلاقی اور خدمتِ خلق کے جذبے سے معاشرے میں عزت و احترام حاصل کیا۔ انہوں نے ہمیشہ ٹرانسپورٹ کے شعبے سے وابستہ افراد کے مسائل کے حل اور ان کے حقوق کے تحفظ کے لیے آواز بلند کی۔ بطور صدر اتفاق یونین گڈز ٹرانسپورٹ انہوں نے نہ صرف تنظیمی معاملات کو بہتر انداز میں چلایا بلکہ ٹرانسپورٹر برادری کے درمیان اتحاد و اتفاق کو بھی فروغ دیا۔شہر کے عوام انہیں ایک مخلص، دردمند اور عوام دوست شخصیت کے طور پر جانتے ہیں۔ وہ ہمیشہ اجتماعی مفاد کے کاموں میں پیش پیش رہے ہیں اور ضرورت مند افراد کی مدد کو اپنا فرض سمجھتے ہیں۔ یہی وجہ ہے کہ ان کے حلقۂ احباب اور چاہنے والوں کا دائرہ بہت وسیع ہے۔ ان کی نرم گفتاری، شائستگی اور خندہ پیشانی ہر ملنے والے کو اپنا گرویدہ بنا لیتی ہے۔عبدالواحد صدیقی نے کاروباری میدان میں بھی اپنی صلاحیتوں کا لوہا منوایا ہے۔ وہ دیانتدار کاروباری روایات کے امین اور مثبت سوچ کے حامل انسان ہیں۔ ان کی خدمات کو نہ صرف ٹرانسپورٹر برادری بلکہ تاجر اور سماجی حلقے بھی قدر کی نگاہ سے دیکھتے ہیں۔ ان کی شخصیت شہر کے لیے ایک قیمتی اثاثے کی حیثیت رکھتی ہے۔ان کی علالت کے دوران مختلف سیاسی، سماجی، کاروباری اور مذہبی شخصیات نے ان کی خیریت دریافت کی ہے اور ان کے لیے نیک خواہشات کا اظہار کیا ہے۔ عوامی حلقوں کا کہنا ہے کہ عبدالواحد صدیقی جیسے مخلص اور خدمت گزار افراد معاشرے کا سرمایہ ہوتے ہیں اور ان کی صحت و سلامتی پورے شہر کی خوشی ہے۔اہلِ ٹوبہ ٹیک سنگھ اور ٹرانسپورٹر برادری کی جانب سے اللہ تعالیٰ کے حضور خصوصی دعا کی جا رہی ہے کہ وہ عبدالواحد صدیقی کو جلد از جلد مکمل صحت و تندرستی عطا فرمائے، انہیں ہر بیماری سے نجات دے اور انہیں دوبارہ پوری توانائی کے ساتھ عوامی، سماجی اور کاروباری سرگرمیوں میں فعال کردار ادا کرنے کی توفیق عطا فرمائے۔دعا ہے کہ اللہ رب العزت عبدالواحد صدیقی صاحب کو شفا کاملہ و عاجلہ عطا فرمائے، صحت و سلامتی کے ساتھ دراز عمر نصیب فرمائے اور انہیں اپنے اہل خانہ، دوستوں اور چاہنے والوں کے لیے ہمیشہ خوشیوں کا باعث بنائے۔ آمین ثم آمین۔
