محمد عدنان حیدر ایک بار پھر ڈپٹی ڈائریکٹر (آپریشنز) پنجاب فوڈ اتھارٹی ٹوبہ ٹیک سنگھ تعینات، عوامی حلقوں میں خوشی کی لہر
*ٹوبہ ٹیک سنگھ (محمد زاہد مجید انور سے) پنجاب فوڈ اتھارٹی کے فرض شناس، باصلاحیت، خوش اخلاق اور عوام دوست آفیسر محمد عدنان حیدر کو ایک بار پھر ڈپٹی ڈائریکٹر (آپریشنز) پنجاب فوڈ اتھارٹی ٹوبہ ٹیک سنگھ تعینات کر دیا گیا ہے۔ ان کی دوبارہ تعیناتی کی خبر سامنے آتے ہی ضلع بھر کے سماجی، تجارتی، عوامی اور کاروباری حلقوں میں خوشی کی لہر دوڑ گئی ہے جبکہ شہریوں نے اس فیصلے کو خوش آئند قرار دیتے ہوئے امید ظاہر کی ہے کہ ان کی قیادت میں خوراک کے معیار اور عوامی صحت کے تحفظ کے حوالے سے مزید مؤثر اقدامات دیکھنے کو ملیں گے۔محمد عدنان حیدر اس سے قبل بھی ضلع ٹوبہ ٹیک سنگھ میں بطور ڈپٹی ڈائریکٹر (آپریشنز) اپنی خدمات سرانجام دے چکے ہیں۔ اپنے سابقہ دورِ تعیناتی کے دوران انہوں نے نہ صرف پنجاب فوڈ اتھارٹی کی کارکردگی کو بہتر بنایا بلکہ عوام کو معیاری اور محفوظ خوراک کی فراہمی کے لیے بھرپور عملی اقدامات بھی کیے۔ ان کی نگرانی میں متعدد کامیاب آپریشنز، فوڈ سیفٹی مہمات اور آگاہی پروگرامز منعقد ہوئے جنہیں عوامی سطح پر بے حد سراہا گیا۔محمد عدنان حیدر کی شخصیت پیشہ ورانہ مہارت، دیانت داری، شفافیت اور قانون کی بالادستی کی عملی مثال سمجھی جاتی ہے۔ وہ اپنے فرائض کی انجام دہی میں کسی قسم کے دباؤ کو خاطر میں نہ لاتے ہوئے میرٹ اور قانون کے مطابق فیصلے کرنے کے لیے شہرت رکھتے ہیں۔ یہی وجہ ہے کہ اپنے مختصر عرصۂ ملازمت میں انہوں نے محکمانہ سطح پر ایک مضبوط اور مثبت شناخت قائم کی ہے۔گزشتہ عرصے سے محمد عدنان حیدر ضلع جھنگ میں بطور ڈپٹی ڈائریکٹر (آپریشنز) اپنی ذمہ داریاں ادا کر رہے تھے جہاں انہوں نے خوراک کے معیار کو بہتر بنانے، غیر معیاری اشیائے خوردونوش کے خلاف کارروائیوں اور عوامی آگاہی کے حوالے سے نمایاں خدمات انجام دیں۔ ان کی پیشہ ورانہ صلاحیتوں اور مؤثر انتظامی انداز کو نہ صرف محکمانہ سطح پر سراہا گیا بلکہ عوامی حلقوں نے بھی ان کی کارکردگی کو قابلِ تحسین قرار دیا۔ٹوبہ ٹیک سنگھ میں دوبارہ تعیناتی کے بعد توقع کی جا رہی ہے کہ محمد عدنان حیدر فوڈ سیفٹی کے نظام کو مزید مضبوط بنانے، ملاوٹ مافیا کے خلاف مؤثر کارروائیوں، حفظانِ صحت کے اصولوں پر عملدرآمد اور شہریوں کو معیاری خوراک کی فراہمی کے لیے بھرپور کردار ادا کریں گے۔ عوامی حلقوں کا کہنا ہے کہ ان جیسے ایماندار اور متحرک افسران کسی بھی ادارے کا قیمتی اثاثہ ہوتے ہیں جو اپنی محنت اور صلاحیتوں سے اداروں کے وقار میں اضافہ کرتے ہیں۔ضلع ٹوبہ ٹیک سنگھ کی سیاسی، سماجی، کاروباری اور عوامی شخصیات نے محمد عدنان حیدر کو دوبارہ تعیناتی پر مبارکباد پیش کرتے ہوئے نیک تمناؤں کا اظہار کیا ہے۔ انہوں نے امید ظاہر کی کہ وہ اپنی سابقہ روایات کو برقرار رکھتے ہوئے عوامی خدمت، شفافیت اور بہترین انتظامی صلاحیتوں کے ذریعے پنجاب فوڈ اتھارٹی کی کارکردگی کو مزید بہتر بنائیں گے اور شہریوں کو محفوظ و معیاری خوراک کی فراہمی کے مشن کو کامیابی سے آگے بڑھائیں گے۔*
