پروفیسر ڈاکٹر فاروق کاہلوں کی تعیناتی زرعی تعلیم و تحقیق کے فروغ میں اہم پیش رفت ہے؛ محمد زاہد مجید انور
*ٹوبہ ٹیک سنگھ (محمد زاہد مجید انور سے) زرعی یونیورسٹی کیمپس ٹوبہ ٹیک سنگھ کے نئے تعینات ہونے والے پرنسپل پروفیسر ڈاکٹر فاروق کاہلوں کو عہدہ سنبھالنے پر ڈسٹرکٹ انجمن صحافیاں کے ضلعی صدر اور معروف کالم نگار محمد زاہد مجید انور نے ان کے دفتر میں ملاقات کرکے پھولوں کا گلدستہ پیش کیا اور انہیں دلی مبارکباد پیش کرتے ہوئے نیک تمناؤں کا اظہار کیا۔اس موقع پر محمد زاہد مجید انور نے کہا کہ پروفیسر ڈاکٹر فاروق کاہلوں کی بطور پرنسپل تعیناتی زرعی یونیورسٹی کیمپس ٹوبہ ٹیک سنگھ کے لیے ایک اہم پیش رفت ہے۔ ایک تعلیمی ادارے کی سربراہی انتہائی ذمہ داری کا تقاضا کرتی ہے اور امید ہے کہ پروفیسر ظفر کاہلوں اپنی علمی قابلیت، انتظامی صلاحیتوں اور تدریسی تجربے کو بروئے کار لاتے ہوئے ادارے کی تعلیمی و انتظامی کارکردگی کو مزید بہتر بنانے میں مؤثر کردار ادا کریں گے۔انہوں نے کہا کہ زرعی یونیورسٹی کیمپس ٹوبہ ٹیک سنگھ خطے میں زرعی تعلیم، تحقیق اور جدید زرعی ٹیکنالوجی کے فروغ کے حوالے سے انتہائی اہم کردار ادا کر رہا ہے۔ ٹوبہ ٹیک سنگھ چونکہ ایک زرعی خطہ ہے، اس لیے یہاں زرعی تعلیم اور تحقیق کے معیار کو بلند کرنا وقت کی اہم ضرورت ہے تاکہ طلبہ کو جدید تقاضوں سے ہم آہنگ تعلیم فراہم کرنے کے ساتھ ساتھ کسانوں کو بھی جدید زرعی طریقوں سے استفادہ کرنے کے مواقع میسر آ سکیں۔محمد زاہد مجید انور نے کہا کہ موجودہ دور میں زراعت کو جدید سائنسی تحقیق، مصنوعی ذہانت، جدید مشینری، پانی کے مؤثر استعمال، بہتر بیجوں، فصلوں کی پیداوار میں اضافے اور موسمیاتی تبدیلیوں کے چیلنجز سے نمٹنے کے لیے جدید علم کی ضرورت ہے۔ یونیورسٹیوں اور تعلیمی اداروں کو چاہیے کہ وہ طلبہ کو محض ڈگریاں فراہم کرنے کے بجائے انہیں عملی میدان کے لیے تیار کریں اور زرعی شعبے کے مسائل کے حل کے لیے تحقیق کو فروغ دیں۔انہوں نے کہا کہ پروفیسر ظفر کاہلوں کی قیادت میں زرعی یونیورسٹی کیمپس ٹوبہ ٹیک سنگھ میں تعلیمی ماحول کو مزید بہتر بنانے، طلبہ کی علمی و تحقیقی صلاحیتوں کو اجاگر کرنے، اساتذہ اور طلبہ کے درمیان مثبت رابطے کو فروغ دینے اور ادارے کی مجموعی کارکردگی میں بہتری لانے کے لیے مؤثر اقدامات کی توقع ہے۔ انہوں نے امید ظاہر کی کہ نئے پرنسپل کی سربراہی میں کیمپس علاقے کے نوجوانوں کو معیاری تعلیم کی فراہمی کے ساتھ ساتھ زرعی شعبے کی ترقی میں بھی اپنا کردار مزید مؤثر انداز میں ادا کرے گا۔اس موقع پر محمد زاہد مجید انور نے کہا کہ صحافت اور تعلیم دونوں معاشرے کی تعمیر و اصلاح میں بنیادی کردار ادا کرتے ہیں۔ ایک ذمہ دار صحافی کا مقصد معاشرے کے مثبت پہلوؤں کو اجاگر کرنے کے ساتھ ساتھ تعلیمی، سماجی اور عوامی اداروں کی اچھی کارکردگی کو بھی عوام کے سامنے لانا ہے۔ انہوں نے کہا کہ ضلع ٹوبہ ٹیک سنگھ میں تعلیمی اداروں کی ترقی، نوجوان نسل کو بہتر مواقع کی فراہمی اور مثبت سرگرمیوں کے فروغ کے لیے صحافتی برادری اپنا ذمہ دارانہ کردار ادا کرتی رہے گی۔انہوں نے پروفیسر ظفر کاہلوں کے لیے نیک خواہشات کا اظہار کرتے ہوئے کہا کہ وہ امید کرتے ہیں کہ نئے پرنسپل اپنی ذمہ داریاں احسن انداز میں ادا کرتے ہوئے کیمپس کو مزید ترقی کی راہ پر گامزن کریں گے۔ انہوں نے کہا کہ تعلیمی اداروں میں میرٹ، نظم و ضبط، تحقیق، جدید تعلیم اور طلبہ کی کردار سازی کو ترجیح دی جائے تو معاشرے کو باصلاحیت اور ذمہ دار نوجوان میسر آ سکتے ہیں۔محمد زاہد مجید انور نے کہا کہ آج کے نوجوان پاکستان کا قیمتی سرمایہ ہیں اور انہیں معیاری تعلیم، جدید ہنر اور تحقیق کے مواقع فراہم کرنا قومی ذمہ داری ہے۔ زرعی تعلیم کے ادارے اس حوالے سے مزید اہمیت اختیار کر جاتے ہیں کیونکہ پاکستان کی معیشت میں زراعت بنیادی حیثیت رکھتی ہے۔ زرعی شعبے کو جدید خطوط پر استوار کرنے کے لیے جامعات، تحقیقی اداروں، ماہرینِ زراعت اور کسانوں کے درمیان مضبوط روابط وقت کی اہم ضرورت ہیں۔آخر میں ڈسٹرکٹ انجمن صحافیاں کے ضلعی صدر اور معروف کالم نگار محمد زاہد مجید انور نے پروفیسر ڈاکٹر فاروق کاہلوں کو ایک بار پھر پرنسپل کا منصب سنبھالنے پر دلی مبارکباد پیش کی اور اس امید کا اظہار کیا کہ ان کی قیادت میں زرعی یونیورسٹی کیمپس ٹوبہ ٹیک سنگھ مزید ترقی کرے گا، تعلیمی معیار بلند ہوگا اور طلبہ کو جدید زرعی تعلیم و تحقیق کے بہترین مواقع میسر آئیں گے۔ انہوں نے ان کی کامیابی، صحت اور مستقبل کے لیے نیک تمناؤں کا اظہار کرتے ہوئے کہا کہ اللہ تعالیٰ انہیں اپنی نئی ذمہ داریاں احسن طریقے سے ادا کرنے کی توفیق عطا فرمائے۔*
