الوداع ڈاکٹر نادر علی خان ۔۔۔
تحریر۔حاجی غلام شبیر منہاس
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میں جنازہ گاہ میں موجود ہوں اور کچھ ہی دیر میں ایک عظیم ا
لمرتبت انسان کا جسد خاکی پہنچنے والا ہے جو آج قبر کی پاتال میں اتر جایئگا۔۔۔مگر اسکا کردار ایسا امر رہیئگا جیسے روز طلوع ہوتا سورج۔۔
لوگوں کا ایک جم غفیر ہے۔۔جس میں مختلف شعبہ ہائے زندگی سے وابستہ لوگ تھے۔ مسلم سٹوڈنٹس آرگنائزیشن پاکستان کی ساری موجودہ اور سابقہ مرکزی قیادت لائن میں ہاتھ باندھے مودب و غمگین کھڑی تھی۔ مختلف لوگ کچھ دیر کیلئے مایئک پہ آتے اظہار خیال فرماتے اور لائن میں کھڑے ہو جاتے۔۔
میں آج بھی مسلسل اسی سوچ میں ہوں جو جانے والے کی زندگی میں سوچا کرتا تھا۔۔کہ یہ کیا ہیں۔۔میں انکو کیا کہوں۔۔کیا سمجھوں۔۔کیا لکھوں اور کیا بیان کروں۔ کیونکہ اس درویش صفت انسان کی پراسرار شخصیت کی اتنی گہری گرہیں تھیں جو مجھ جیسے سطحی علم رکھنے والے شخص پہ کبھی وا نہیں ہو سکیں گی۔۔
میں اسکو ڈاکٹر کہوں۔۔مسیحا لکھوں۔۔رہنما کہہ کر مخاطب کروں۔۔استاد کہوں۔۔ہزاروں نوجوانوں کی زندگیاں بدل دینے والا سرخیل کہوں۔۔انقلاب کی سوکھی اور خشک ٹہنیوں پہ ساری زندگی اپنا خون جگر چھڑکنے والا عظیم ویثزی بندا کہوں۔۔یا پھر ایک کارکن۔۔
سوچ کا بے لگام گھوڑا سرپٹ دوڑ رہا ہے۔۔اور میں اس عظیم انسان کے مقام و مرتبے اور پہچان میں ہمیشہ کیطرح خود کو بے بس پا رہا ہوں ۔۔
یہ زمانہ طالب علمی میں ملک وملت کا درد لے کر اٹھا تو پھر واپس مڑ کر نہیں دیکھا۔۔میڈیکل کالج سے مختلف ہسپتالوں میں عملی طور پہ خدمات سرانجام دینے تک اس نے ایک لمحہ بھی اپنے مصروف ترین پیشے کو درمیان میں نہیں آنے دیا۔۔۔
بتایا جا رہا تھا کہ ایک بار ذکر ہوا۔۔کہ اس زمانہ میں بھی فلاں بزرگ ہیں جن کی پچھلے دس سال سے تکبیر اولی قضا نہیں ہوئی۔۔ڈاکٹر صاحب وہاں موجود تھے۔۔عجز و انکساری میں ہمیشہ جھکا ہوا سر تھوڑا سا اٹھایا اور فرمایا۔۔۔میں بھی بطور تحدیث نعمت عرض کر دیتا ہوں کہ الحمداللہ اس فقیر کی پچھلے اٹھایئس سال سے ایک بار بھی تکبیر اولی قضا نہیں ہوئی۔۔۔۔
خدا حافط۔۔
ڈاکٹر نادر علی خان۔۔۔خدا حافظ۔
اللہ تعالی آپکی اگلی منازل آسان کرے۔۔اور درجات کو بلند تر فرمائے۔۔آپ واقعی ڈاکٹر بھی تھے۔۔نادر بھی۔۔۔علی بھی۔۔۔اور خان بھی۔۔
غلام شبیر منہاس
