خواب سے تعبیر تک کے سفر کا آغاز۔۔
تحریر حاجی غلام شبیر منہاس
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہمیں احساس تھا کہ یہ کام اگر ناممکن نہ بھی ہوا تو کٹھن اور تھکا دینے والا ضرور ہو گا۔۔
اکثر لوگ کہتے کہ خواب بھی اوقات کے حساب سے دیکھنے چاہیئں۔۔۔کونسے بڑے نام اور سرمایہ دار ہیں آپ کیساتھ جو یہ سب ممکن ہو سکے گا۔۔
مگر ہمارا روز اول سے اپنے رب پہ بھروسہ تھا اور جانتے تھے کہ ورکشاپس میں مار کھاتے، کچرا چنتے اور ہوٹلوں پہ برتن مانجتے یتیم و بے آسرا بچوں کیلئے جب رب مہربان ہو گا تو پھر کیسا سرمایہ اور کونسے وسائل۔۔۔یقین کامل تھا کہ ہمارے ساتھ وہی طبقہ کھڑا ہو گا جن کو ان دکھوں کا احساس ہے۔۔۔۔جو اس کرب سے گزرے ہیں۔۔۔جنہیں احساس محرومی کی تیز دھوپ کا سامنا رہا۔۔جو خود رلتے رہے یا جنہوں نے بچوں کو رلتے دیکھا۔۔۔
ماں باپ کی شفقتوں سے محروم بچوں کیلئے میگا پراجیکٹ کا آغاز ہونے جا رہا ہے۔۔اور یہ کسی کی وراثت نہیں ہو گا۔۔۔یہ اس ملک اور قوم کے غریب لوگوں کی امانت ہو گا۔۔
اب ہم سب نے مل کر اس میں بطور صدقہ جاریہ ایک اینٹ (جسکی قیمت 100 روپے ہے) سے لے کر جتنی اللہ رب العزت توفیق دے اتنی اینٹیں لگا کر اپنا اپنا حصہ ان بچوں کیلئے ڈالنا ہے جنکا اس آسمان کے نیچے لاڈ اٹھانے والا کوئی بھی نہیں۔۔۔اور ایک اینٹ کی قیمت سے مراد آپ بخوبی سمجھ رہے ہوں گے کہ اس میں سیمنٹ، ریت بجری سے لیکر لیبر چارجز تک سب کچھ شامل ہو گا۔۔۔۔
آپ اس پوسٹ کو اپنے حلقہ احباب میں شیئر کر کے اور مختلف علاقوں میں اس صدا کو پہنچا کر بھی اس کارخیر میں شامل ہو سکتے ہیں۔۔
آخری گزارش کہ اڑھائی سو یتیم بچوں کے اس زیرتعمیر پرورش ہاسٹل کو اگر ممکن ہو تو ایکبار وزٹ ضرور کریں۔۔۔تاکہ حوصلہ افزائی بھی ہو اور رہنمائی بھی۔۔
اللہ تعالی ہم سب کا حامی و ناصر ہو۔۔۔ آمین
غلام شبیر منہاس
