شورکوٹ(نامہ نگار)شورکوٹ کی معروف شخصیت محمد نواز گجر انتقال کر گئے مرحوم کو ہزاروں سوگواروں کی موجودگی میں ان کے آبائی قبرستان 26گھگھ میں سپرد خاک کر دیا گیا نماز جنازہ میں لوگوں کی بڑی تعداد نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شورکوٹ (نامہ نگار) وزیر اعظم پاکستان عمران خان کے ویژن سرسبز و شاداب پاکستان پروگرام کے سلسلہ میں محکمہ زراعت توسیع کے ڈویژنل ڈائریکٹر فیصل آباد چوہدری عبد الحمید نے شورکوٹ کا دورہ کیا اس موقع پر ڈپٹی ڈائریکٹر زراعت جھنگ چوہدری اختر حسین، اسسٹنٹ ڈائریکٹر زراعت شورکوٹ چوہدری مقبول حسین، محکمہ زراعت وریام والا اور تحصیل احمد پور سیال کا عملہ بھی موجود تھا ڈویژنل ڈائریکٹر زراعت فیصل آباد نے شجر کاری مہم کے سلسلہ میں پودا بھی لگایا اور عملہ کے ساتھ ایک میٹنگ کا انعقاد کیا میٹنگ میں چوہدری عبد الحمید نے کہا کہ زیادہ سے زیادہ پودے لگائے جائیں تاکہ وزیر اعظم پاکستان عمران خان کے ویژن سر سبز و شاداب پاکستان کو مکمل کیا جا سکے اس کے ساتھ درخت لگانا سنت نبوی ہے اور درخت فضائی آلودگی کو کم کرنے کے لیے ایم کردار ادا کرتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شورکوٹ (نامہ نگار) شورکوٹ محکمہ فیسکو کی مبینہ غفلت کی وجہ سے شہریوں پر خطرات منڈلانے لگے شورکوٹ کی بستی ٹبہ میں گلیوں میں بجلی کی تاریں انتہائی نیچی ہو کر زمین کو چھونے لگیں جس کی وجہ سے علاقہ مکینوں کو شدید مشکلات کا سامنا ہے علاقہ مکینوں کا کہنا ہے بجلی کی تاریں انتہائی نیچی ہیں یہاں سے بچے اور خواتین بھی گزرتی ہیں بچوں کا ہاتھ بھی باآسانی تاروں کو چھو لیتا ہے پہلے ایک بچے کو کرنٹ بھی لگ چکا ہے تاریں نیچی ہونے کی وجہ سے کسی بھی وقت بڑا حادثہ رونما ہونے کا خدشہ ہے ہم نے متعدد بار محکمہ فیسکو شورکوٹ کو اطلاع دی مگر کوئی شنوائی نہیں ہوئی انہوں نے محکمہ فیسکو کے اعلی حکام سے مطالبہ کیا ہے کہ فوری طور پر بجلی کی تاریں اونچی کروائی جائیں تاکہ کسی سانحہ سے بچا جا سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شورکوٹ (نامہ نگار) ایس ڈی او محکمہ انہار غلام مصطفی نے صحافیوں سے بات چیت کرتے ہوئے کہاکہ نہری پانی چوری کر نے والے افراد ادارے کے ساتھ ساتھ ملک وقوم کے بھی مجر م ہیں انہوں نے کہاکہ سرکل شورکوٹ میں تمام نہروں میں پانی چوری پکڑنے کے لیے خصوصی اقدامات کیے ہیں انہوں نے کہاکہ نہر ی پانی چوری کر نے والے افرادکو کسی بھی صورت نہیں چھوڑا جائے گا نہر ی پانی چوروں کے خلاف بلاامتیاز قانونی کاروائی عمل میں لائی جائے گی انہوں نے کہاکہ کسان نہر ی پانی چور ی کر نے والے افراد کی نشاندہی کر یں تاکہ ملکی خزانے اور کاشتکار وں کو نقصان پہنچانے والے افراد کا قلع قمع کیا جا سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شورکوٹ (نامہ نگار) بیوہ خاتون کی رقم خرد بر دکر نے والے شخص کے خلاف مقدمہ درج تفصیلات کے مطابق شورکوٹ محلہ کچکوٹہ کی رہائشی بیوہ خاتون حنیفہ بی بی نے تھانہ شورکوٹ پولیس کو درخواست گزار ی کے ملزم حنیف نے اس 5لاکھ رقم جو کہ ملزم حنیف کے پاس امانت رکھی گئی تھی خرد بر دکر لی ہے جس پر تھانہ شورکوٹ پولیس نے مقدمہ در ج کر کے تفتیش شروع کر دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
