مظفرگڑھ۔رنگ پورسیلاب متاثرین کا ضلعی انتظامیہ مظفرگڑھ کے خلاف احتجاج۔رنگ پور اور چک فرازی کے دس سے زاٸد مواضعات زیر اب آگٸے
مظفرگڑھ (سٹار نیوز آن لائن )۔رنگ پورسیلاب متاثرین کا ضلعی انتظامیہ مظفرگڑھ کے خلاف احتجاج۔رنگ پور اور چک فرازی کے دس سے زاٸد مواضعات براہم پور،بلکانہ،راناواہن،مکوجمال،بہلی شمالی،مقصود پور،پیر کمال،سید پور،سنملوٹ ودیگر میں دریاٸے چناب کے سیلابی ریلے میں نشیبی علاقے مکمل طور پر زیرآب آگٸے ہیں ۔ضلعی انتظامیہ مظفرگڑھ اور ڈپٹی کمشنر مظفرگڑھ کی طرف سے فلڈ وارننگ تو جاری کردی گٸی لیکن سیلاب متاثرین کو محفوظ مقامات تک پہنچانے کا کوٸی انتظام نہیں کیا گیا اور لوگ اپنی مدد آپ کے تحت محفوظ مقامات پر منتقل ہو رھے ہیں۔جس پر سیلاب متاثرین نے ضلعی انتظامیہ مظفرگڑھ کے خلاف شدید احتجاج کیا ۔سیلاب متاثرین نے بتایا کہ ڈپٹی کمشنر مظفرگڑھ نے کل بروز جمعہ رنگ پور کا دورہ کیا تو اس موقع پر رنگ پور اور جوآنہ بنگلہ ریسٹ ہاٶس میں فرضی فلڈ ریلیف کیمپ لگا دیٸے گٸے اور ڈی سی مظفرگڑھ کے جانے کے فوری بعد کیمپ ختم کر دیٸے گٸے۔سیلاب متاثرین کا کہنا ھے کہ فلڈ ریلیف کیمپ مستقل لگاٸے جاٸیں ہمارے مویشی بیمار ہو رھے ہیں ان کی ویکسینیشن کرواٸی جاٸے اور سرکاری ادویات دی جاٸیں۔سیلاب متاثرین نے وزیر اعلی پنجاب اور کمشنر ڈی جی خاں سے فوری نوٹس لینے کا مطالبہ کیا ھے
رپورٹ عثمان خان خٹک
