حب الوطنی سے سرشار ننھے منے *محمد افان گنگو* نے کہا ہے کہ آج کا دن ہمیں 6 ستمبر 1965 کی اس جنگ کی یاد دلاتا ہے جب بزدل دشمن نے رات کے اندھیرے میں بین الاقوامی سرحد عبور کر کے پاکستان پر حملہ کیا لیکن پاک فوج نے دشمن کے مذموم عزائم کو ناکام بنا دیا
سرگودھا (سٹارنیوز)حب الوطنی سے سرشار ننھے منے *محمد افان گنگو* نے کہا ہے کہ آج کا دن ہمیں 6 ستمبر 1965 کی اس جنگ کی یاد دلاتا ہے جب بزدل دشمن نے رات کے اندھیرے میں بین الاقوامی سرحد عبور کر کے پاکستان پر حملہ کیا لیکن پاک فوج نے دشمن کے مذموم عزائم کو ناکام بنا دیا۔پاکستان نے 1965ءکی جنگ میں نہ صرف اپنے دفاع میں کامیابی حاصل کی بلکہ عالمی سطح پر بھی اپنی پوزیشن مستحکم کی۔ دشمن کی جارحیت کو ناکام بنانے کے بعد پاکستان نے عالمی برادری کو یہ پیغام دیا کہ جب قوم متحد ہو اور فوج کا جذبہ بے مثال ہو تو کسی بھی بڑے دشمن کا مقابلہ کیا جا سکتا ہے۔ بھارتی افواج کو پاکستان کی بہادری اور جنگی حکمت عملی کے سامنے شکست کا سامنا کرنا پڑا۔
آج بھی جب ہمارا دشمن ایک بار پھر جنگی جنون میں مبتلا ہے اور کشمیری عوام اور بھارتی مسلمانوں کے ساتھ غیر انسانی سلوک کر رہا ہے، ہمیں 1965ء کے جذبے سے سبق سیکھنا چاہیے۔ پوری قوم کو ایک بار پھر اتحاد و یگانگت کا مظاہرہ کرنا ہوگا تاکہ دشمن کی سازشوں کا موثر جواب دیا جا سکے۔ یومِ دفاع ہمیں یہ یاد دلاتا ہے کہ ہم نے اپنے وطن کی حفاظت کے لیے کڑی جدوجہد کی اور ہم ہر وقت اپنی فوج اور ملک کی سلامتی کے لیے تیار رہیں گے۔پاک فوج سرحدوں اور عوام کی حفاظت کے ساتھ ساتھ قدرتی آفات کے دوران ریلیف کی خدمات فراہم کرتی ہیں اور تعلیمی و طبی ادارے چلاتی ہیں۔ فوج کے زیرِ انتظام اسکول، کالج، ہسپتال اور دیگر ادارے سویلینز کو گراں قدر خدمات فراہم کرتے ہیں۔ پاکستانی فوج نے دہشت گردی کے خلاف جنگ میں بھی بے شمار قربانیاں دی ہیں اور ملک کی سلامتی کو یقینی بنانے میں اہم کردار ادا کیا ہے۔
*آخر میں میرا پیغام ہے* کہ
6 ستمبر کا دن ہمیں یاد دلاتا ہے کہ ہم نے ایک عظیم وطن کے حصول کے لیے بے شمار قربانیاں دی ہیں۔ ہمیں اپنی افواج کی بہادری، قربانیوں اور ملک کی سلامتی کی حفاظت کے لیے عزم و حوصلے کو برقرار رکھنا چاہیے۔ یہ دن ہماری قومی یکجہتی، حب الوطنی اور قربانی کے جذبے کا مظہر ہے۔ آج بھی، یومِ دفاع ہمیں ایک مضبوط اور متحد قوم ہونے کا پیغام دیتا ہے، جو کسی بھی چیلنج کا سامنا کرنے کی صلاحیت رکھتی ہے۔پاک فوج زندہ باد، پاکستان پائندہ باد!
رپورٹ محمد آصف علی سٹارنیوز سرگودھا
