ایاز صادق کی ٹوبہ ٹیک سنگھ آمد اور مقامی سیاسی منظرنامہ
تحریر محمد زاہد مجید انور
*آج اسپیکر قومی اسمبلی جناب ایاز صادق ٹوبہ ٹیک سنگھ تشریف لائے۔ ان کے ہمراہ ڈپٹی کمشنر محمد نعیم سندھو بھی موجود تھے۔ یہ آمد دراصل ایک عظیم سانحے پر تعزیت کے لیے تھی، کیونکہ وفاقی وزیر بحری امور حاجی جنید انوار چوہدری کی والدہ محترمہ کے انتقال پر وہ اظہار افسوس اور فاتحہ خوانی کے لیے ٹوبہ ٹیک سنگھ پہنچے۔سیاسی دنیا میں بعض اوقات ایسے مواقع آتے ہیں جب سیاسی وابستگیاں اور حکومتی ذمہ داریاں پس منظر میں چلی جاتی ہیں اور انسانی رشتے و جذبات مقدم ٹھہرتے ہیں۔ ایاز صادق کا یہ دورہ اسی حقیقت کا مظہر ہے۔ انہوں نے نہ صرف حاجی جنید انوار چوہدری کے اہل خانہ سے تعزیت کی بلکہ مرحومہ کے ایصالِ ثواب کے لیے دعا بھی کی۔ اس موقع پر ڈپٹی کمشنر محمد نعیم سندھو کی موجودگی یہ واضح کر رہی تھی کہ انتظامی اور عوامی نمائندے دونوں یکساں طور پر دکھ کی اس گھڑی میں شریک ہیں۔یہ امر خوش آئند ہے کہ ہمارے معاشرے میں سیاسی شخصیات اپنے رفقاء کے غم اور دکھ میں شریک ہونے کو اپنی اولین ذمہ داری سمجھتی ہیں۔ یہی وہ رویہ ہے جو سیاسی عمل کو انسانی اقدار سے جوڑتا ہے اور عوام میں یہ تاثر اجاگر کرتا ہے کہ ہمارے رہنما صرف اقتدار یا پالیسی سازی تک محدود نہیں بلکہ دکھ سکھ کے ساتھی بھی ہیں۔اسپیکر قومی اسمبلی کی آمد ٹوبہ ٹیک سنگھ کے لیے بھی ایک اہم لمحہ تھا۔ اس سے نہ صرف شہر کے سیاسی ماحول کو تقویت ملی بلکہ عوامی سطح پر یہ پیغام بھی گیا کہ ٹوبہ ٹیک سنگھ قومی سطح پر ایک اہم مقام رکھتا ہے۔ حاجی جنید انوار چوہدری کی شخصیت اور ان کی خاندانی خدمات کو مقامی سطح پر جو احترام حاصل ہے، وہی اس دورے کا محرک بھی رہا۔ہماری سیاست کو آج ایسے ہی انسانی پہلوؤں کی ضرورت ہے۔ جب رہنما عوام کے غم و خوشی میں شریک ہوتے ہیں تو ان کے ساتھ عوامی رشتہ مزید مضبوط ہوتا ہے۔ امید کی جانی چاہیے کہ یہ روایت برقرار رہے گی اور سیاسی قیادت عوامی زندگی کے تمام پہلوؤں میں ان کے ساتھ کھڑی دکھائی دے گی۔*
